Kanye West: Nimewapenda tena Wayahudi

Kanye West ameamua kujisafisha kwa Wayahudi baada ya kauli yake ya chuki dhidi jamii hiyo, kauli ambayo ilipelekea kupoteza dili nyingi na Makampuni ambayo alikuwa akishirikiana nayo kibiashara.

Leo asubuhi YE alirejea kwenye mtandao wa Instagram na filamu ya mwaka 2012 (21 Jump Street) ya Muigizaji mahiri Jonah Hill Feldstein ambaye ana asili ya Kiyahudi. YE ameandika;

“Kumtazama Jonah Hill kwenye ‘21 Jump Street’ kumenifanya niwapende Wayahudi tena” alisema YE huku akimaliza kwa kuhubiri amani na kuiweka mbali chuki dhidi ya binadamu wenzetu.