Jux na Jack Patrick
Juma Jux; ni mwimbaji nyota wa muziki wa RnB nchini Tanzania ambaye amejibu swali kuhusu kurudiana na kuendelea walipoishia yeye na aliyekuwa mpenzi wake, mrembo Jack Patrick a.k.a Boss Lady wa zamani; yule video queen wa Ngoma ya She Get A Gwan ya marehemu Ngwea na Nataka Kulewa ya Diamond Platnumz.
Jux anasema hajawahi kuonana na mrembo huyo tangu atokea jela nchini China na kurejea Tanzania.
“Niwe muwazi, hatuna mawasiliano yoyote, lakini mara ya kwanza kabisa wakati ametoka tulishawahi kuwasiliana, alinitumia tu meseji, basi tukaongea.
“Kwa hiyo sasa hivi nadhani kitu kizuri ametoka ana uhuru wake kama kawaida hicho ndio kitu muhimu, mimi na maisha yangu, lakini kiukweli hatuna mahusiano yoyote.”
Kabla ya Vanessa Mdee, Jux alikuwa kwenye mahusiano na Jack Patrick Cliff kabla ya kupata msala mzito wa kukamatwa na madawa ya kulevya na kufungwa kwa takriban miaka saba nchini China.