Julia Fox: Kuwa kwenye mahusiano na Kanye ni kama kulea mtoto

Muigizaji na mwanamitindo kutoka nchini Marekani Julia Fox amefunguka kuhusu mahusiano yake ya mwezi mmoja na Kanye West akidai kuwa yalikuwa kama analea watoto wawili kwa wakati mmoja.

Fox kupitia mahojiano yake na The Drew Barrymore Show ameeleza kuwa alishindwa kudumu kwenye mahusino hayo kwa sababu Kanye alikuwa anahitaji muda zaidi jambo ambalo mwanadada huyo alishindwa, kwani kwa wakati huo alikuwa na mtoto mdogo hivyo asingeweza kumuacha bila kumuhudumia.

Aidha aliendelea kwa kueleza kuwa alishangazwa na hakutarajia jinsi mahusiano yao yalivyo fahamika kwa kasi mitandaoni. Kanye West Fox walikuwa kwenye mahusiano mwaka 2022 lakini kwa sasa Kanye yupo kwenye mahusiano na mwanamitindo aitwaye Bianca Censori.