Jua Cali: Genge ipo Grammy nina uuraha

Sio tu Bongo fleva ambayo imeingia kwenye mikono ya Grammy, kwa Afrika Mashariki pia staili ya Muziki wa ‘Genge’ nao ni miongoni mwa aina za Muziki ambazo zimetajwa kuwa zitahusishwa kwenye ushiriki katika Kipengele kipya, Best African Music Perfomance.

Moja kati ya waasisi wa Muziki huo, Jua Cali amefunguka kwamba, ana furaha sana kuona ‘Genge’ ipo Grammy ikiwa ni juhudi zao zilizoanza takribani miaka 20 iliyopita.

Lakini ana hoja ambayo ameitoa, anadai kwamba kuna baadhi ya wasanii hawakulipokea vizuri wazo lao kuuita Muziki wa Kenya ‘Genge’ wakidhani Calif Records walitaka kubadilisha staili ya uimbaji kwa wasanii wote kuimba kama wao, laiti kama wangefuata hili wazo mapema, basi Muziki wa Kenya ungekuwa mbali sana ya ulipo kwa sasa.