Jinamizi la Kim lazidi kumtesa Kanye

Rapa maarufu duniani kutoka pande za Marekani, Kanye West 'YE' na mpenzi wake mpya Chaney Jones wameachana, imethibitisha tovuti ya TMZ muda mchache uliopita.

Mashabiki wa staa huyo wanasema jinamizi la mpenzi wake wa zamani, Kim Kardashian linaendelea kumteaa Kanye baada kufikia ukomo wa penzi lake na Chaney ikiwa ni muda mfupi tu baada ya ziara yao ndefu nchini Japan.

Hakuna taarifa rasmi za yupi aliyempiga chini mwenzake lakini taarifa hizi zimekuja ikiwa ni siku chache baada ya kuonekana picha ya Kanye West akitazama movie na mrembo mwingine, huenda hicho ndicho kimemkasilisha Chaney.

YE na Chaney walianza kuonekana hadharani mwezi Februari mwaka huu na tayari mwanadada alishachora Tattoo yenye jina ‘YE’ mkononi mwake.