Jide kukiwasha leo kwenye 'Bongoflava Honors'

Kuanzia ‘Siku hazigandi’ hadi ‘Ndindindi’, kupita kwenye ‘Wangu’ hadi ‘Mambo matano’ hizo ni baadhi tu ya nyimbo kutoka kwenye collection ya Malkia wa Bongofleva, Dada mwenye ukuu wake kwenye dunia ya Bongofleva Lady JayDee ambaye leo amepewa heshima ya kuendelea kuiheshimisha Bongofleva kupitia Tamasha la BONGOFLAVA HONORS linalofanyika jioni ya leo Ijumaa Warehouse Arena Jijini Dar es salaam.

Pamoja na perfomace kali anayotarajiwa kuifanya Lady JayDee leo October 25, 2024, imetangazwa rasmi na Waandaji wa tamasha hilo kama siku maalum kwa Mwimbaji huyo kutunukiwa tuzo ya heshima na kusherekea mafanikio yake katika Muziki wa Bongofleva.

“Tunaenda kumuheshimisha Dada mkubwa, mimi ninasema hakuna Msanii wa kizazi hiki kama Lady Jaydee” hayo ni maneno ya Joseph Mbilinyi wakati akizungumzia maandalizi ya tamasha hilo na ubora wa Lady Jaydee katika Bongofleva.

Ngoma gani za Jide hauzikosi kwenye collection yako?