Jibu la Tommy Flavour kuhusu kolabo na Alikiba (+video)

Msanii wa muziki Bongo, Tommy Flavour amefunguka kuhusu mipango ya kufanya kazi na Alikiba.

Muimbaji huyo amesema kuwa wamekuwa na ukaribu wa kikazi na kuna uwezekano wa kufanya kolabo endapo nafasi ikitokea.

“Ukaribu wetu ni mkubwa, tunafanya kazi vizuri hatuna matatizo yeyote. Ninapohitaji msaada ninamwambia na yeye hivyo hivyo, kwa hiyo ndo the way tunavyofanya kazi,” amesema.

“Kwa hiyo watu wategemee vitu vikubwa kama tutafanya kazi kwa upande wa Alikiba lakini upande wa Ommy sitaki kusema mengi kwa sasa,” Tommy Flavour ameiambia Bongo5.

Tommy Flavour kwa sasa anatamba na ngoma yake mpya inayokwenda kwa jina la Do It ikiwa ni baada ya kufanya vizuri katika ngoma ‘Bounce’ aliyoshirikishwa na Vanessa Mdee.