Mimi Mars na AY
Hapo Agosti 12, 2021 Msanii wa Bongofleva, AY aliachia wimbo wake mpya unaokwenda kwa jina la Stakaba ambao amemshirikisha Mimi Mars kutoka Mdee Music.
Utakumbuka toka Februari 29, 2020 AY alikuwa hajatoa wimbo wowote tangu alipoachia, Dan'Hela ambao ulitanguliwa na ule uitwao Loving You aliomshirikisha Victoria Kimani kutokea nchini Kenya.
Ukitazama kwa makini video ya wimbo 'Stakaba' ambayo sehemu kubwa imefanyika kwenye boti baharini, utabaini kuwa Mimi Mars hakubadili nguo yake toka mwanzo hadi mwisho ingawa sio jambo baya.
Jambo kama hilo limetokea tena kwenye video ya wimbo wa Dayna Nyange 'ELO' iliyotoka Mei 28, 201 akimshirikisha Davido wa Nigeria ambaye hajabadili nguo yake licha ya kuwa ameshiriki sehemu kubwa ya wimbo huo tofauti na ulivyo kwa Mimi Mars ambaye ameimba sehemu ndogo tu ya kiitikio.
Lakini katika video AY, Loving You iliyotoka Januari 28, 2019 ambayo nayo imefanyika ndani ya boti, humo ndani Victoria Kimani kabadili nguo mara mbili, huku hadi mwisho mwa video akionekana kabadili nguo mara tatu ingawa naye kaimba kiitiko tu kama Mimi Mars.
Hata hivyo, kwa kurudia tena; sio vibaya kwa msanii kutobabili nguo katika video, zipo sababu nyingi za kutofanya hivyo kutokana na mapendekezo ya Director.
Katika video ya wimbo 'Otis Redding' iliyotoka Agosti 12, 2011 Kanye West na Jay Z hawajabadili nguo hata mara moja na ukiangalia video hiyo huoni kama kuna sababu ya kufanya hivyo.