Harusi yakatizwa ghafla baada ya bi harusi kugundua bwana harusi ana watoto 7

Kulikuwa na hali ya sintofahamu baada ya hafla ya harusi kukatizwa ghafla bibi harusi alipogundua kwamba bwana harusi ni baba wa watoto saba.

Inasemekana kuwa bibi harusi alikataa kuendelea na hafla hiyo baada ya kutambua kuwa bwana harusi hakuwa mwaminifu kwake, kwani alimficha kuhusu kuwa na familia nyingine.

Video ya haflla hiyo iliyopakiwa mitandaoni yaonyesha eneo la karamu hiyo katika jimbo la Benin, Nigeria likiwa limepanguliwa huku viti vikiwa vimetapakaa kote, pamoja na mapambo kufuatia habari hizo za kuvunja moyo.

Wageni waliohudhuria hafla hiyo na kushiriki video kwenye Tik Tok waliwashauri warembo kuwafanyia wapenzi wao ujasusi wa kutosha kabla ya kukubali kuolewa nao.

Katika tukio sawia na hiyo, bibi harusi aliyeozwa hivi karibuni aliangua kilio hadharani kwa huzuni baada ya kugundua kuwa mumewe alimtafuna rafiki yake wa karibu siku moja kabla ya sherehe ya harusi yao.

Tukio hilo lililotokea hadharani, lilizua tafrani kiasi kwamba watu wengi walikusanyika karibu na msafara wa harusi hiyo kujionea yaliyokuwa yakiendelea.

Katika video iliyotamba kwenye TikTok, watu walijaribu kumtuliza bibi harusi ambaye wakati huo alikuwa akimzomea mwanamke anayeaminika kuwa rafiki yake wa karibu.

Dada huyo ambaye alikiwa akipiga mayowe aliapa kwamba hataendelea na harusi hiyo kamwe. Mwanamke aliyekuwa akizomewa alionekana akiwa amevalia mavazi ya rangi ya divai na alikuwa akimkodolea macho bibi harusi kana kwamba alitaka kuhurumiwa.

Isitoshe, mwanamume mmoja alisitisha harusi yake saa kadhaa kabla ya kuanza baada ya kugundua kuwa mkewe mtarajiwa ana watoto wawili. Maoni mseto yalifuata hadithi huku wanamtandao wakipima kuhusu suala hilo.

Watu wengi walionekana kumnyoshea kidole cha lawama mwanamke huyo kwa kufanya kosa ambalo limemgharimu dakika ya mwisho.