Harmonize mbioni kuboresha umaarufu wake katika muziki

Staa wa Bongo Fleva Harmonize maarufu Konde Boy yupo mbioni kuboresha umaarufu wake katika sanaa ya muziki.

Tangu ajitenge na lebo ya Wasafi mwaka wa 2019, utafiti unaonyesha kuwa umaarufu wa mwanamuziki huyo ambao ulielekea kukwama ungali unaendelea kutoka na ubunifu wake wa kutoa nyimbo zinazovuna zaidi ambazo hupatia mashabiki motisha wa kuzitazama.

Katika ukurasa wake wa Twitter, Harmonize alidokeza kwamba anapanga kujiboresha na kuachia muziki zaidi.

“They don’t know what’s coming!! Guess what? It’s not a single hit but couple of them,” aliposti.

Kulingana na utafiti ulioendeshwa na Picha Kali nchini Tanzania, unaonesha kuwa tangu Konde Boy alipotoka Wasafi, hajawahi kushinda hata tuzo moja nje ya mipaka ya taifa hilo (Kimataifa) licha ya kushiriki mara moja tu katika shindano la kimataifa.

Utafiti huo unaongeza kuwa, nyimbo zake hazijawahi kupitisha zaidi ya views milioni 30.

Alipokuwa ndani ya Wasafi, nyota huyo alishida tuzo moja la kimataifa baada ya kushiriki mara saba. Pia, alitengeneza wimbo uliovuma sana na kupata views milioni 104, wimbo wake wa Happy Birthday uliopata views milioni 42 na Bado ambao ulipata kutazamwa mara milioni 37.

Hata hivyo, mwanamuziki huyo ambaye wimbo wake wa Never Give up ulivuma sana, ameonekana wima katika sanaa yake ya muziki, maana amewapongeza mashabiki wake kwa kuendelea kuwa naye bega kwa bega hasa walipokuwa na subira ya wimbo wake mpya wa Morning Call.

“YESS stream Morning Call in Your Favorite Store thanks so much waiting this Record Lets Play Together this Small Part in Afrobeat BONGO,” aliongeza katika posti nyingine.