Harmonize kuhamia Marekani

Unaambiwa supastaa wa Bongo Fleva, Harmonize ana mpango wa kuishi ughaibuni lengo ikiwa ni kuusogeza mbele muziki wake.

Harmonize ambaye kwa sasa ana zaidi ya mwezi mmoja nje ya Tanzani, anatajwa kuwa na mpango wa kuishi nchini Marekani kwa kipindi chote ambacho atafanya muziki wake.

Taarifa kutoka kwenye chanzo cha kuaminika chenye ukaribu na staa huyo kimesema kuwa ni;

"Ni muda wa Harmonize kupambania muziki wake kimataifa zaidi. Anaamini ni ngumu kupenya kwenye soko la Marekani kama haupo ndani ya Marekani tena haswa kwa wasanii waliotoka kwenye jamii zinazozungumza lugha ngeni duniani.

Chanzo hicho kimeongeza kuwa; "Harmonize atakuwa anakuja Tanzania kusalimia familia kisha atarudi Marekani ambapo anatajwa kutembelea studio mbalimbali za muziki na kukutana na mastaa/wadau mbalimbali wa muziki nchini humo."