Harmonize aweweseka Yanga kutolewa Klabu Bingwa

Staa wa Bongo Fleva, Rajabu Abdul ‘Harmonize’ amesema hatotoa tena Track list ya Album yake mpya kwa sababu ya Timu yake ya Yanga SC kushindwa kufuzu hatua ya Makundi hapo juzi.

Yanga ilishindwa kuingia hatua hiyo baada ya kupoteza mbele ya Al Hilal huko Sudan kwa kufungwa goli 1-0 huku katika mchezo wa awali uliopigwa jijini Dar, walitoka sare ya 1-1.

Staa huyo alitoa ahadi iwapo Yanga itafanikiwa kufuzu hatua hiyo basi na yeye ataachia Track list ya Album yake mpya pamoja na tarehe.

Acha tuone, lini sasa mkali huyo anayetamba na wimbo wa Amelowa atatangaza tena mchongo huo.