Harmonize atua Kilimanjaro, kufanya balaa zito leo!

Mtaalamu wa ngoma kali, Rajabu Abdul 'Harmonize' ametia timu pande za Moshi mkoani Kilimanjaro na anatarajia kukiwasha kwa kufanya shoo kabla ya kilele cha Kili Marathon.

Mapema asubuhi ya leo Harmonize ametua katika Kiwanja cha Kimataifa cha Kilimanjaro (KIA) huku akiambatana na team yake akiwamo Meneja Choppa Jembe ni Jembe pamoja na Dj Seven kutumbuiza leo katika Viwanja vya Moshi Club.

Ifahamike hizi ni amshapopo na ndani ya Mkoa wa Kilimanjaro, kubwa zaidi ni katika kuelekea mbio za Kilimarathon zitakazohitimishwa Jumapili Februari 26, 2023.