Harmonize atoa ya moyoni "Mwenye uwezo amsaidie Anjella"

Mmiliki wa Lebo ya Konde Gang, Rajab Abdul ‘Harmonize’ ameachana na msanii wake Anjella huku akiweka wazi mwenye uwezo wa kumuendeleza anakaribishwa.

Harmonize amelazimika kuzungumza hayo kupitia Instagram ‘Insta story’ baada ya tetesi kuwa mtunzi huyo wa ‘teacher’ ameachana na ‘malkia’ wa Konde Gang.

"Nilichoangalia ni ndoto hasa za mtoto wa kike nimejitahidi kadri ya uwezo wangu najua kuna wenye uwezo mkubwa kunizidi ukizingangatia nimeanza juzi kama kuna anayeweza kumuendeleza kipaji chake ni faraja kwangu,” ameandika Harmonize.-

Msanii huyo aliyewahi kuitumikia WCB, amekanusha taarifa za kumdai Anjella pesa baada ya kumalizana na Konde Gang.

"Nilikutana na Anjella akiwa amejikatia tamaa akiwa na ndoto kichwani, sikujiangalia nina kiasi gani niliamini kuwa wapo wanaonisapoti bila kuwalipa senti tano, puuzia siasa za kusema sijui namdai mahela sikumuuliza kuhusu pesa hata senti moja,” ameeleza.

Una maoni usisite kutuandikia