Harmonize apima tena ngoma, aanika majibu!

Msanii wa Bongo Fleva, Rajabu Abdul 'Harmonize' ameendeleza desturi yake ya kupima maambukizi ya virusi vya Ukimwi na kuanika majibu.

Kupitia ukurasa wake wa Instagram kwenye kipengele cha Insta Story, Harmonize ameweka vipimo hivyo vya Ukimwi vinavyomuonesha akiwa hana maambukizi na kusindikiza na ujumbe wa kutupa jiwe gizani.

"No mara Waaah I'm the health Niga in the game, tell your guy to do this twice uone atakavyokuzungusha..." aliandika Harmonize akimaanisha, yeye ni msela ambaye yupo salama kwenye gemu, ukitaka kujua ukweli wa hilo, mueleze mwanaume wako apime kama yeye uone atakavyokuzungusha.