Harmonize ameitendea haki Bongo Fleva

Moja ya vitu ambavyo watu wengi hawakutarajia ni kuona msanii Harmonize kutoa ngoma tatu zote za Bongo Fleva bila kuchanganya na muziki mwingine kama AMAPIANO kwa namna upepo wa AMAPIANO ulivyo kwa sasa Tanzania.

Harmonize ametoa ngoma kali sana za Bongo Fleva bila kujali wangapi watazipenda na sio nyimbo za kwenda na Trending, bila kujali nini kazungumza ndani ya wimbo tunachokizungumzia ni Melody za Bongo Fleva zimeimbwa ndani.

Wasanii wengi walikuwa wakilaumiwa kufanya nyimbo za AMAPIANO kupitiliza na kuufanya muziki wa Bongo Fleva uonekane hauna nguvu kwa muda ila ujio wake na ukubwa wake umekuja kuwafanya wengi waendelee kuwa na imani na Bongo Fleva.