H Baba amkaribisha Dudubaya Wasafi

Hamisi Ramadhani Baba ‘H Baba’ amesema kiroho safi, anamkaribisha chawa msanii mwenzake, Dudubaya ajiunge na chama analolishabiki kwa sasa la Wasafi Classic Baby (WCB).

Akizungumza na Wasafi TV, H Baba alisema, Dudubaya ni mtu wa watu na kawasaidia watu wengi na alikuwa usafini kabla hajapotea hivyo arejee.

“Dudubaya ni mtu mzuri, sio mkorofi. Msukuma yeyote sio mkorofi labda ukimzingua ndio utamuona mkorofi. Ninachoweza kumuambia, arudi huku Wasafi alipokuwa,” alisema H Baba.