Msanii Godliver
Msanjj wa Filamu nchini anayefanya vizuri kwenye tamthilia ya Jua Kali, Godliver Gordian, ‘Anna’ amewataka wasanii pamoja na watayarishaji wa kazi za sanaa kuwa na nidhamu ya kazi ili kuwa na kazi bora.
Amesema kuwa wasanii ili wasanii watimize malengo yao na kufanya kazi bora na zinazoishi kwa muda mrefu sokoni lazima wawe na heshima na nidhamu ya kazi.
“Siri kubwa ya kufanyakazi nzuri na kujipatia mashabiki wengi ni nidhamu, ndio imekuwa msingi wa kila kitu kwenye jambo lolote lile, kitu ambacho msanii yoyote akiweka mbele nidhamu ya kazi lazima atafanya vizuri katika sanaa yake.
Amesema kuwa licha ya kuwa na nidhamu ya kazi pia wasanii wanapaswa kuwa na upendo na watu wengine kwani nidhamu na upendo ni vitu vinavyoenda sambamba katika kufanikisha mipango uliyojiwekea.
“Wasanii walioko ndani ya sanaa ya uigizaji, nidhamu na Mungu vinapaswa kupewa kipaumbele pindi unapotaka kufanya kazi yako, ni vitu viwili ambavyo vikiwa pamoja vinaleta uwiano wa kazi,” amesema Anna
Amesema kuwa iwapo msanii atazingatia hivi viwili lazima atafanya kazi yake vizuri na atafanikiwa lakini pia ataaminika na jamii.