Gigy awachana mashabiki, "wanachagua nyimbo sio poa"

Msanii wa Bongo Fleva, Gift Stanford 'Gigy Money' amesema anashindwa kufikiria suala la kuandaa albamu kwani mashabiki wana mtindo wa kusikiliza wimbo mmoja au mbili katika albamu.

Gigy amesema hayo juzikati alipokuwa kwenye uzinduzi wa albamu fupi ya Mbosso, Khan ambapo alipoulizwa na waandishi wa habari kwamba ni lini naye atatoa albamu, ndipo alipotoa mtazamo wake huo na kuwachana mashabiki.

"Mashabiki sio poa, unatoa albamu yeye anasikiliza wimbo mmoja tu hizo nyingine anakuachia wewe," alisema Gigy.

Gigy alisema, yeye hana kipato kikubwa cha kuweza kuandaa nyimbo nyingi hivyo ataendelea kuwa anatoa wimbo mmojammoja maana hela zake ni za kuungaunga.