Gigy amlipua vibaya Baba Levo

Msanii wa Bongo Fleva, Gift Stanford 'Gigy Money' amemchana vibaya Baba Levo kwa kuwa na tabia za kumsema vibaya na kumharibia jina lake.

Gigy amefunguka hayo kupitia Insta Live ambapo alisema, amechoka na maneno ya kila siku kutoka kwa Baba Levo akimuita malaya na maneno mengine mengi mabaya.

"Mimi nimeshafanya mambo mengi ya kuitetea Wasafi bila hata kulipwa, mimi nimefungiwa nyimbo kwa kupanda jukwaa la Wasafi halafu huyu Baba Levo ananitukana kila siku nimechoka," alisema Gigy.

Gigy alienda mbali zaidi kwa kumtaka bosi wake Baba Levo, Diamond Platnumz, amueleze aache kumzungumzia vibaya kwenye redio.