Gigy amkingia kifua Masha Love

Staa wa Bongo Fleva, Gigy Money amesema kitendo cha shoga yake Masha Love kuposti video yake ya faragha na Jimmy Mafufu anakiunga mkono asilimia mia kwani kinatoa funzo.

Gigy amezungumza hayo alipokuwa kwenye hafla ya uzinduzi wa albamu fupi ya Mbosso na kupata nafasi ya kuzungumza na wanahabari.

"Amefanya poa sana ikiwezekana avujishe nyingine. Haya mambo ya sijui mwanaume kakuweka ndani uone kakupa heshima wakati kuna mwanamke mwingie nje halafu amchukulie poa inahusu?," alihoji Gigy.

Hivi karibuni, Masha Love alivujisha video zinazomuonesha akiwa faragha na Mafufu baada ya kuona anamzingua alipompa taarifa za kuwa ni mjamzito. Hata hivyo, Mafufu alikanusha kuwa na uhusiano na Masha huku akizikana video hizo.