Founder TZ: Baba alikimbia nikiwa na miaka 11

Msanii mpya kwenye game ya muziki wa Bongo Fleva, Founder TZ amedai kuwa hamjui baba yake mzazi kwani alimkimbia mama yake akiwa mdogo na kuiacha familia yao kisha kuoa mwanamke mwingine.

Msanii huyo ambaye ametangazwa na Babu Tale kuwa atapanda kwenye jukwaa la Wasafi festival 2023 amesema maisha yake amelelewa na mama yake kwa biashara ya mbogamboga na kilimo.

"Niliondoka kwa baba nikiwa na miaka 11 baada ya baba kuachana na mama na kuwa mke mwingine mimi nilirudi kwa mama kutokana na manyanyaso nilivyokuwa nayapata kwa mama wa kambo, kuanzia hapo sijawahi kumuona tena baba hadi leo.

"Mazingira ya nyumbani sio mazuri tunalala kwenye chumba kimoja mimi pamoja na mama, dada yangu na wadogo zangu, mvua ikinyesha nyumba inavuja.

"Mimi nimezaliwa hapa hapa tanzania katika kambi ya wakimbizi ya nyarugusu nina miaka 14, baba yangu ni Mkongomani na mama yangu ni Mtanzania.

"Mama anajihusisha na kilimo cha mboga mboga hicho ndio kinachoendesha maisha yetu pale nyumbani," amesema Founder TZ.