Vera Sidika ni mjamzito tena
Mrembo maarufu nchini Kenya, Vera Sidika ni mjamzito kwa mara nyingine ikiwa ni mwaka mmoja na nusu tangu kujifungua mtoto wake wa kwanza, Asia.
Vera amefichua kuwa anatarajia mtoto wake wa pili na mumewe Brown Mauzo na kuelekeza ni furaha kwake kupata mtoto mwingine.
Brown Mauzo kwa upande wake alimshukuru mwanasoshalaiti huyo kwa kuwa mke bora kwake na mama mzuri kwa mtoto wao, Asia Brown.
Mwanamuziki huyo alimhakikishia Vera kuhusu upendo wake mkubwa kwake na kukiri kuwa anafurahia hatua mpya katika ndoa yao.
“Ni baraka iliyoje!!! Mtoto wa pili yupo njiani, tunapokaribia hatua nyingine katika ndoa yetu, ninachotaka kusema ni asante kwa kuwa mke na mama bora. Wewe ni zawadi kutoka kwa ulimwengu, na nina bahati kuwa na wewe katika maisha yangu, nakupenda mke wangu,” alisema.
Wawili hao wamekuwa kwenye mahusiano kwa zaidi ya miaka miwili na walijaliwa mtoto wao wa kwanza Oktoba mwaka jana.