Ed Sheeran alivyoongeza mwaka na maokoto

Juzi ilikuwa ni kumbukumbu ya siku ya kuzaliwa ya mwanamuziki wa Pop kutoka nchini Uingereza, Ed Sheeran ambaye mwaka jana alitawala vichwa vya habari duniani baada ya kushinda kesi ya wimbo wa ‘Thinking Out Loud’? ambao ilidaiwa ameiba mashahiri yake.Wimbo huo ndio uliompa tuzo ya Grammy.

Sasa jamaa wakati anasherehekea siku yake ya kuzaliwa mbali ya kuongeza miaka jamaa ameongeza na utajiri wake pia. Anatimiza miaka 33, na kwa mujibu wa BBC ana utajiri unaofikia Pauni 300 milioni kutoka Pauni 200 milioni aliokadiriwa kuwa nao mwaka jana. Je? Utajiri wake umeongezekaje? Hapa tumekusogezea jinsi jamaa anavyopiga pesa.

ANAPIGAJE PESA

Chanzo chake kikuu cha mapato ni muziki na ameingiza pesa za kutosha kutokana na shoo alizofanya sehemu mbalimbali duniani pamoja na pesa za YouTube na mitandao mengine ya kijamii ambapo kila video au picha anayoiposti hulipwa zaidi ya Dola 1 milioni.

Kwa mwaka anakadiriwa kuingiza kati ya Dola 100 milioni hadi Dola 200 milioni na mwaka wake wa mafanikio zaidi ulikuwa ni 2017 kwenye Tour yake ya Ed Sheeran’s Divide Tour iliyomwingizia Dola 775 milioni na ndani ya siku moja aliweka kukunja zaidi ya bilioni 2 za Kitanzania.

Hadi sasa hii ndio Tour iliyozalisha pesa nyingi zaidi kuwahi kutokea kwenye historia ya muziki.

Vile vile staa huyu ni balozi wa kampuni ya Dunlop Manufacturing, Hoax na Nando ambazo kwa pamoja humpa zaidi ya Dola 20 milioni kwa mwaka, pia anapata pesa kwa kuwaandikia wasanii mbalimbali nyimbo.

Dili lake kubwa la udhamini ni lile la kampuni ya Heinz ketchup ambayo humpa kiasi kinachofikia Dola 10 milioni kwa mwaka kwa kuitangaza.

MJENGO

Anamiliki nyumba mbili moja anayoishi huko Suffol, England tangu mwaka 2011, nyingine aliinunua mwaka 2014 huko Notting Hill, London na zote zinakadiriwa kuwa na thamani ya Dola 10 milioni.

NDINGA

-Aston Martin DB9 (Dola 203,000)

-Range Rover SV Autobiography (Dola 216,675)

-Ferrari 488 GTB (Dola 262,647

-Lamborghini Gallardo Spyder (Dola 251,600)

-Rolls Royce Cullinan (Dola 355,000)

-Ferrari 812 Superfast (Dola 433,765)

-Mini Cooper S (Dola 23,400)

-Audi Q7 - (Dola 90,200)

-Mercedes-AMG G63 (Dola 180,150)

-Bentley Bentayga - (Dola 263,000)

MSAADA KWA JAMII

Ni balozi wa muda mrefu wa taasisi ya GRAMMY Foundation, Musicians on Call na Elton John AIDS Foundation.

Pia amekuwa akitoa misaada ya kupambana na magonjwa ya Ukimwi, kansa na utoaji wa elimu kwa watoto.

MAISHA NA BATA

Aliwahi kuwa kwenye uhusiano na mwanamuziki kutoka Scottland, Nina Nesbittkabla kabla ya kuachana mwaka 2012.

Baada ya hapo aliingia kwenye uhusiano na Athina Adrelos kuanzia mwaka 2014 hadi 2015.

Julai 2015, alianzisha uhusiano na rafiki yake wa utotoni Cherry Seaborn ambaye mwaka 2018 walitangaza kuvishana pete na wakaoana kwa siri mwaka uliofuatia. Hadi sasa wamebahatika kupata watoto wawili.