Ebitoke alia umaarufu lakini hana hela

Jina lake kamili anaitwa Annastazia Exavery maarufu kama Ebitoke, alianza kuvuma mwanzoni mwa Mwaka 2017 kama Mchekeshaji wa kike ambaye alikuja na ubunifu wa kitofauti ambao kwa hakika uliwavutia watu wengi.

Hadi sasa amefanikiwa kuwa miongoni mwa Mastaa wa kike wa Tanzania wanaotazamwa lakini wenye wafwasi wengi katika mtandao wa Instagram. Hadi sasa Ebitoke ana wafwasi milioni tatu na laki tisa huku akiutumia mtandao huo kutangaza kazi zake za uchekeshaji lakini pia biashara yake ya vipodozi (Ebitoke product).

Sasa leo kupitia ukurasa wake wa Instagram amelalamika kwamba anashangaa ana wafwasi wengi katika mtandao huo lakini cha kushangaza ni kwamba hana pesa kama wengi wanavyodhani.

"Mimi ni comedian wa kike mwenye followers wengi ila sina hela jamani na uhaya wangu wote, mabosi nipeni dili basi"- ameandika Ebitoke ambaye ni mama wa mtoto mmoja.

Hata hivyo kama itakumbukwa miaka ya nyuma Ebitoke alikuwa anasifika kwa uhodari wa kuwahonga pesa wanaume aliokuwa nao kwenye mahusiano ikiwa ni pamoja na kuwalea, kuwanunulia nguo za ndani na kuwazungusha kwenye vivutio mbalimbali vya kitalii wakaponde raha kwa pesa zake.