Dogo Janja akerwa na ukimya wa Aslay

Inaonesha Janjaro @dogojanjatz pia anakerwa na ukimya wa msanii mwenzake @aslayisihaka hii ni baada ya kuweka wazi kwamba hapendezwi na ukimya wa mkali huyo pasipo kuachia kazi yoyote.

"Tunataka mziki! @aslayisihaka mwaka ukiisha haujaachia mziki, tusizoeeeeane" - ameeleza Janjaro kupitia insta story yake kwa msisitizo.

Itakumbukwa, Aslay kwa sasa yupo chini ya usimamizi wa Rockstar Africa ambapo Agosti mwaka huu alitangaza rasmi kusainishwa nao. Mara yake ya mwisho kuachia wimbo ilikuwa ni Januari 21, mwaka 2021, aliachia video ya wimbo wake uitwao "Nashangaa".