Dimpoz afunguka ya moyoni ishu ya kusaini wasanii wadogo

Mkali wa Bongo Fleva, Omary Nyembo ‘Ommy Dimpoz’ ametoa mtazamo wake kuhusu suala zima la wasanii wakubwa kuwasaini wasanii wadogo kwa kusema jambo hilo ni muhimu.

Dimpoz ametoa maoni hayo Novemba 4, 2022 alipokuwa akitambulisha albamu yake ya kwanza inayokwenda kwa jina la Dedication.

“Unatakiwa kumsaini msanii kama vile kurejesha kwa jamii lakini pia ni biashara. Hivyo unatakiwa kama wewe unafanya video ya milioni 10 basi msanii wako walau umfanyie video ya milioni nane lakini sio wewe unafanya video ya milioni 10 halafu msanii unamfanyia video ya laki saba,” alisema Dimpoz.