Dimpoz aanika siri anayempa pesa za kula bata

Supastaa wa wa muziki wa Bongo Fleva kutoka Rockstar Africa, Omary Nyembo maarufu kama Ommy Dimpoz amefunguka wapi anapopata fedha ambazo ameonekana akila nazo bata sehemu mbalimbali duniani na kuendesha magari ya kifahari.

Mashabiki wengi wamekuwa wakihoji Dimpoz anatoa wapi pesa za kula bata kila mara Dubai, Ulaya na maeneo mengine maarufu na makubwa Duniani ilihali muziki hafanyi kivile?

Haya ni majibu ya Dimpoz; "Kujiongeza ni kitu kimoja muhimu sana kwa sababu umeshatengeneza jina, jina lako linakusaidia vipi, unatengeneza vipi michongo na sio kila kitu it's about money.

"Mimi ni balozi wa GSM toka 2016, sitaki kukuambia nalipwa shilingi ngapi lakini nalipwa kila mwezi, lakini pia mimi ni creative director.

"Matangazo yote unayoyaona ya GSM na kuisimamia mitandao yao ya kijamii ni kazi yangu mimi kupitia kampuni yangu lakini sina haja ya kuja kuwaambia watu," amesema Ommy Dimpoz.