Diamond kuanzisha shirika lake la ndege "Wasafi Airline"

CEO wa Wasafi ‘WCB’ ambaye pia ni supastaa wa muziki Bongo, Naseeb Abdul ‘Diamond Platnumz’ ametengeneza headlines nyingine baada kununua ndege yake binafsi (private jet) na chopa (Helicopter), sasa anataka kumiliki shirika lake la ndege.

Akihojiwa nchini Afrika Kusini hivi karibuni kwenye kipindi cha #TheTouchDown cha radio ya Metro FM ameeleza kwa mara ya kwanza mpango wake huo wa kuanzisha shirika lake la ndege ambalo amelitaja kuwa litaitwa WASAFI AIRLINE.

Aidha, Diamond hajaeleza kwa kina kuhusu mikakati yake hasa juu ya shirika hilo, lakini ameweka wazi kwa mara ya kwanza kwamba anaelekea kuanzisha shirika hilo.

Diamond amesem; "Nilianza kujiwekeza katika muziki, nikaanzisha lebo, nikafungua vituo vya habari (TV na Radio), nikaanzisha Kampuni ya michezo ya kubashiri (Wasafi Bet) na sasa nipo naelekea kufungua shirika la ndege," amesema Diamond.