Diamond atinga Bungeni, apigiwa shangwe

Mkurugenzi wa Makampuni ya Wasafi na Mwanamuziki, Nasibu Abdul 'Diamond Platnumz' leo Mei 19, 2023 ametinga Bungeni na kutambulishwa na Naibu Spika wa Bunge la Jamhuri ya Muungano wa Tanzania, Mhe. Mussa Azzan Zungu.

Diamond amefika Bungeni leo kufuatilia Hotuba ya Bajeti ya Wizara ya Habari, Mawasiliano na Teknolojia ya Habari kwa mwaka wa fedha 2023/2024 ambayo inawasilishwa leo.

Pia, Diamond yupo Jijini Dodoma kwa ajili ya Kushiriki Uzinduzi wa IKULU Mpya Ya Chamwino utakaofanyika Kesho Mei 20, 2023.