Diamond amnyima usingizi mrembo huyu

Msanii mpya wa Rap hapa nchini Lakisha ameweka wazi hisia zake baada ya kupokea DM ya mwimbaji staa Diamond Platnumz katika mtandao wa Instagram usiku wa jana, Lakisha amefunguka haya kupitia Planet Bongo ya East Africa Radio;

“Mimi kuanzia naanza game, nina ndoto nyingi kwenye muziki wangu, lakini kitu kilichotokea jana usiku ni moja ya ndoto yangu, yaani kiukweli wakati napokea DM ya Diamond yaani nimezunguka nyumba nzima kama dakika 20 hivi nazunguka tu, sikuamini.

"Kwa nafasi aliyofika kwa game yetu Tanzania wasanii wengi tunatamani kufika alipofika, ni kama kiongozi wetu, huwezi amini sijalala, sijalala tokea jana, DM yake ina maana kubwa sana kwangu,” amesema Lakisha.