Diamond na familia yake.
Supastaa wa Bongo Fleva, Diamond Platnumz amewasili jijini Nirobi nchini Kenya jana Jumatano, Juni 8 2022. Hii ni kwa mujibu wa chapisho lake aliloweka kwenye Insta story yake.
Diamond hajaweka wazi zaidi kuhusu safari yake hiyo nchini, lakini ameonekana kushiriki kipande kidogo cha video akiwa ndani ya ukumbi wa CIP Lounge katika Uwanja wa Ndege wa Kimataifa wa Julius Nyerere jijini Dare es Salaam.
Diamond amesema; “Nairobi Usiku wa leo!” aliandika Diamond.
Aidha, Diamond Platnumz aliwasili nchini Kenya jana ambapo pia mzazi mwenzake Zarina Hassan 'Zari The Boss Lady' yupo nchini Kenya kwa ajili ya kazi zake ikiwa ni pamoja na ufunguzi wa Jumba la Kifahari jijini Nairobi pamoja na kuandaa sherehe yake ya kila mwaka ya All White Party jijini Nairobi leo Juni 9.
Mkurugenzi Mtendaji wa Chuo cha Brooklyn City alitaja kuwa hafla hiyo ya hadhi ya juu itafanyika XS Millionaires Club na mashabiki wake wote wamealikwa kuhudhuria".
Hii itakuwa mara ya pili kwa Zari ambaye amewahi kuishi Uganda (alikozaliwa), Kenya na Tanzania kuwa mwenyeji wa All White Party nchini Kenya. Mara ya kwanza alifanya sherehe hiyo nchini humo mwaka 2018 akiwa na kaka wa msanii Diamond Platnumz Romy Jones.
Ziara hiyo ya nchini Kenya inajiri siku chache baada ya Zari kuwa nchini Tanzania kwa hafla maalum ya hisani kama balozi wa Softcare ambapo alikuwa jijini Mwanza akitoa msaada wa taulo za kike bure kwa wasichana wanafunzi mkoani humo.