Diamond afunguka ishu ya kumsaini Barnaba WCB

Nasibu Abdul ‘Diamond Platnumz’ amevunja ukimya juu ya uvumi unaondelea kuwa amemsaini Elius Barnaba katika lebo yake ya Wasafi Classic Baby (WCB) kwa kusema hakuna ukweli wowote na hawezi kumsaini.

Diamond ameyasema hayo usiku wa kuamkia Agosti 17 katika uzinduzi wa albamu ya Barnaba ya Love Sound Different uliofanyika katika Ukumbi wa Mlimani City jijini Dar.

“Jamani Barnaba ni mkubwa sana siwezi mimi kumsajili Wasafi. Kwenye hii albamu yake tuliona ni vyema kushirikiana kwa pamoja ili tuweze kufanya kitu kizuri,” alisema Diamond.

Uzinduzi wa albamu hiyo ulifana ambapo ulihudhuriwa na wageni wengi maarufu akiwemo mgeni rasmi Spika wa Bunge la Jamhuri ya Muungano wa Tanzania, Tulia Ackson pamoja na Waziri wa Afya Ummy Mwalimu.