Diamond: Wasanii wangu wanalipwa wakifanya kolabo

Nasibu Abdul ‘Diamond Platnumz’ amewasanua mashabiki wa burudani kwamba, anajivunia kwamba wasanii wake wamekuwa wakubwa na wanalipwa pindi wanapoombwa kolabo.

Diamond amefunguka hayo alipokuwa akifanya mahojiano na Wasafi TV alipokuwa amekwenda lokesheni kutazama video ya Zuchu inayokwenda kwa jina la Love ilipokuwa inaandaliwa.

Alisema amefika lokesheni hapo kama kiongozi (Mkurugenzi wa Wasafi Classic Baby) kuangalia mambo yanavyokwenda na pia kumpa kampani msanii Adenkunle Gold ambaye ametokea Nigeria kwa ajili ya kushuti video hiyo aliyoshirikishwa na Zuchu.

“Nimekuja kuangalia ili pia nione sio kuja kulaumu baadaye. Nachoshukuru Mungu kwa sasa sio kwamba kila kitu nafanya mimi kuanzia mwanzo, kuna vitu naambiwa tu na mimi kutoa ushauri wangu na kinafanyika.

“Wasanii wangu kwa sasa ni wakubwa, wanazo connection wenyewe au wakati mwingine nawaunganisha, pia wanaweza kupigiwa simu na wasanii wengine kuombwa kolabo na wanalipwa,” alisema Diamond.