Diamond: Rayvanny Anaongoza Kuingiza Pesa Wasafi

Diamond Platnumz; ni C.E.O wa Lebo ya Wasafi Classic Baby (WCB) ambaye anakiri kwamba, msanii wake, Rayvanny ndiye anaongoza kwa kuingiza mapato makubwa kwenye lebo hiyo.

Diamond anasema kuwa, pamoja na maneno mengi yanayosemwa juu ya Rayvanny kuondoka kwenye lebo hiyo, lakini msanii huyo ana heshima mno pamoja na kwamba ana ukichaa wake na anashika nafasi ya pili kwa kuingiza kipato baada yake.

“Kuna kitu watu hawakijui kuhusu Rayvanny, ana heshima sana, sijui kwa sababu ya kusoma au kuwa giniaz darasani…

“Lakini kuna kitu ambacho watu hawakijui, Rayvanny anashika nafasi ya pili kwa kuingiza pesa ndani ya Wasafi,” anasema Diamond akiendelea kupromoti EP yake ya First Of All (FOA).