Davido akanusha: Mke wangu hana akaunti Twitter

Mwimbaji wa Afrobeats wa Nigeria David Adeleke, anayejulikana kwa jina la kisanii Davido na meneja wake Ubi Franklin, wameukanusha ukurasa bandia wa Twitter unaomwiga Chioma ambaye ni mke wa Davido.

Wawili hao walifichua kuwa mke wa Davido, Chioma, hana akaunti ya Twitter na kuwaonya watumiaji wa mitandao ya kijamii kupuuza tweets kutoka kwa ukurasa huo ghushi.

Katika chapisho linalovuma la kanusho lililoambatana na picha ya skrini, Ubi Franklin alielezea kwamba ukurasa mahususi wenye jina la mtumiaji sawa na la ukurasa wa Instagram wa Chioma ni ghushi na unamwiga tu.

Alitweet: “Ukurasa huu unamwiga Chef Chi. Tafadhali puuza tweet yoyote kutoka kwa sehemu hii ya Twitter. Asante."

Akiandika tena chapisho la kanusho la Franklin kwenye akaunti yake rasmi, Davido aliandika kuwa "Chioma hana Twitter."