Christina Shusho amtetea Diamond ishu ya jeneza

Mwimbaji nguli wa muziki wa Injili, Christina Shusho amemtetea supastaa wa Bongo Fleva, Diamond Platnumz kuhusu kuingia kwenye shoo na jeneza.

Shusho amesema hayo mara baada ya Diamond kupanda kwenye jukwaa la Wasafi festival mkoani Mtwara akiwa na majeneza, jambo ambalo liliibua maswali mengi mingoni mwa wadau wa muziki na wale wa masuala ya kiimani nchini.

"Ikiwa ni juu ya sanaa hakuna shida Diamond Platnumz kuingia na Jeneza show nakubali sana, huo ni ubunifu," amesema Shusho na kuongeza kuwa Watanzania ni wabunifu zaidi kwenye sanaa.