Chris Brown kuhojiwa na polisi Uingereza

Kwa mujibu wa Tovuti ya TheSun wameripoti kuwa mwanamuziki Chris Brown anatarajiwa kuhojiwa na Polisi baada ya mtu mmoja kudai kupigwa na chupa na moja kati ya watu wa karibu na Chris.

Kwa mujibu chanzo hicho kinadai kuwa dakika chache kabla ya Breez kupanda jukwaani kwenye show yake 02 Arena nchini uingereza kulitokea vurugu kati ya timu ya watu wake na moja ya mashabiki waliojitokeza usiku huo jambo ambalo lilipelekea shabiki huyo kupigwa na chupa kichwani.

Polisi nchini Uingereza wametoa taarifa kuwa wanataka kumfanyia mahojiano staa huyo ili kutoa maelezo juu ya chanzo cha vurugu hizo mpaka kupelekea shabiki kupigwa na chupa iliyomsababishia majeraha kichwani.