Chidi Benz kuachia 'Dar Stand Up' remix

Msanii nguli wa HipHop Bongo, Rashid Makwiro 'Chidi Benz' amesema kuwa yupo kwenye harakati za kuachia remix ya ngoma yake iliyotamba miaka ya 2000, Dar es Salaam Stand Up.

Ngoma hiyo ambayo mpaka sasa bado inapendwa, Chid ataiachia ikiwa imeambatana na shooting mpya ya video ili kuwapa burudani iliyokamilika mashabiki zake.

“Bit amepiga Lucas na Nonini ndiye anapanga huu mchongo na ndiye anatazama nani awepo. Nimezungumza na T-Touch nifanye vocal pale, kwa hiyo ninamsubiri injinia mawazo yake, nani aongezeke na nani afanye nini lakini ningependa mtu yeyote nitakayem-approach aje tufanye kwa respect ya ngoma yenyewe na Chid.

“Hakuna mtu ambaye atataka asiwepo kwenye Dar Stand Up, japo wapo watu wangu wa karibu hawapendi kabisa nitoe remix, wanataka ibaki ile ile classic. Kwa vile ni ngoma kubwa mimi natamani ifanywe chochote kile, ishutiwe video mpya,” amesema Chid Benz.