Chama cha waigizaji chamlilia Ruge Mutahaba

Dar es Salaam. Chama cha Waigizaji Kinondoni, kimetoa pole zake kwa kifo cha Mwasisi na Mkurugenzi wa Vipindi na Uzalishaji Clouds Media Group, Ruge Mutahaba aliyefariki leo Jumanne Februari 26,2019.

Katika taarifa yao iliyosainiwa na  Mkuu wa Idara ya Habari, Uenezi na Mahusiano na Umma, Masoud Kaftany imesema enzi ya uhai wake, Ruge alitoa mchango mkubwa kwa  wasanii wa muziki na fani zingine na kutoa elimu ya ujasiriamali

Pia alitoa mchango kwa Taifa la Tanzania katika nyanja ya muziki ambazo zilikuwa  chachu kubwa ya kujenga na kuandaa jamii ya Kitanzania kukabiliana na changamoto mbalimbali za kimaendeleo, kiuchumi, kisiasa na kijamii katika ujenzi wa taifa.

"Tunamuombea kwa Mungu apumzike kwa amani kwenye nyumba yake ya Milele.”

"Bwana ametoa, Bwana ametwaa jina la Bwana lihimidiwe. Inna Lillah wa Inna Illayhi Raj'uun," iliandika  taarifa hiyo.

Soma zaidi: Wasanii, Watangazaji walivyomzungumzia Ruge Mutahaba