Burna Boy ashinda Tuzo ya BET

Msanii @burnaboygram kutoka nchini Nigeria, Burna Boy amefanikiwa kujinyakulia tuzo ya BET katika kipengele cha Best International Act ikiwa ni mara yake ya nne kunyakua tuzo hiyo.

Burnaboy amefanikiwa kushinda tuzo hiyo katika miaa ya 2019,2020,2021 na 2023 na hivyo anaandika historia ya kuwa msanii wa kwanza kutoka barani Afrika kufanikiwa kufanya hivyo.

Aidha, Burna Boy amefanikiwa kuwapiga chini washindani wake Aya Nakamura (Ufaransa), Ayra Starr (Nigeria), Central Cee (Uingereza), Ella Mai (Uingereza), KO (Afrika Kusini), L7nnon (Brazil), Stormzy (Uingereza), Tiakola (Ufaransa), Uncle Waffles (Swaziland) katika tuzo hizo ambazo zilitolewa usiku wa kuamkia leo Novemba 26, 2023 katika ukumbi Microsoft uliopo Los Angeles, Marekani.

Beyonce ameshinda 'Viewers Choice', Drake na 21 Savage (Kundi Bora), Future na Tems (Wimbo Bora wa Ushirikiano), Beyonce na SZA wamefungana kwenye Albamu Bora na Video Bora, Angela Bassett (Muigizaji Bora wa Kike), Damson Idris (Muigizaji Bora wa Kiume).

Mastaa wengine walioondoka na tuzo za #BET2023 ni Busta Rhymes (Life Achiement Award), SZA (Msanii Bora wa Kike wa R&B na Pop), Chris Brown na Usher wamepata tuzo ya Msanii Bora wa Kiume wa R&B na Pop, Msanii Bora wa Kiume wa Hip Hop ni Kendrick Lamar.