Beyonce naye akutwa na panga la bluu tiki Twitter

Je, kuna mambo gani ambayo yanafanana kati ya Beyoncé na Papa Francis?

Kuanzia leo, akaunti zao za Twitter hazijathibitishwa tena.

Kampuni hiyo kubwa ya mitandao ya kijamii ilianza kuondoa uthibitishaji wa tiki ya bluu uliokuwa ukitamaniwa kutoka kwa maelfu ya akaunti kuanzia siku ya Alhamisi.

Hatua hiyo inajiri huku mmiliki wake Elon Musk akijaribu kubadilisha kampuni hiyo ya mitandao ya kijamii ili kupata faida. Watumiaji wanaotaka kuhifadhi tiki za bluu za majina yao lazima walipe $84 kwa mwaka (£67) ili kujisajili kwenye Twitter Blue.

Mabadiliko yalipotokea, wengi waliothibitishwa hapo awali walienda kwenye kurasa ya Twitter kufanya utani kuhusu hilo, au kueleza hasara walizopata.

Mwana Olimpiki wa Marekani Lolo Jones alibainisha kuwa bado amethibitishwa pale inapozingatiwa: wasifu wake wa mahusiano.

Watumiaji wengine walisema kwa kejeli kwamba muigizaji Jason Sudeikis alipoteza uthibitishaji wake, wakati Ted Lasso, hajapoteza.