Baba atangaza harusi ya wanawe 10 itakayofanyika siku moja

- Wazo la kuandaa harusi ya pamoja katika jimbo la Borno, Nigeria limezua hisia mseto

- Msomi Muislamu kutoka Maiduguri anasemekana kuwa na mpango wa kuandalia wanawe 10 harusi ya fatiha

- Wanamtandao walisema hafla hiyo itapunguza gharama ya maharusi na wageni

Msomi maarufu wa Kiislamu Sheykh Dr. Imam Goni Muhammad Ali Gabchiya, amewaacha wanamtandao na mshangao kufuatia kutoa kadi ya mwaliko ya harusi ya wanawe 10 ambao watafunga pingu za maisha siku moja.

Katika posti ambayo TUKO.co.ke imetazama, mwanamtandao kwa jina Comr Mahmud Muhammad alipachika kadi hiyo ya mwaliko kwenye ukurasa wake wa Facebook Jumapili, Mei 23.

Muhammad alisema harusi hiyo ya Fatiha itafanyika Juni 5, 2021, katika Msikiti wa Chuo Kikuu cha Maiduguri Central.

Aliongezea kuwa kila mtu anaalikwa kwa moyo mkunjufu.

"Familia ya Sheikh Dr. Imam Goni Muhammad Ali Gabchiya inakualka kwa moyo mkunjufu katika harusi ya fatiha ya wanawe ambaye majina yao yameorodheshwa hapo chini," aliandika Comr kwenye Facebook.

Watoto hao wenye wanafanya harusi ni Ali Muhammad Ali Gabchiya (Malam Bana), Irbad Muhammad Ali Bin Gabchiya, Muktar Muhammad Ali Gabchiya, Malik Muhammad Ali Gabchiya, na Shafi Ibn Gabchiya Muhammad Ali Gabchiya.

Wengine ni Fatima Muhammad Ali Gabchiya, Zubaidah Muhammad Ali Gabchiya, Busaina Muhammad Ali Gabchiya, Haizuran Muhammad Ali Gabchiya, na Haula Muhammad Ali Gabchiya.

Inaaminika kuwa Sheikh Gabchiya ni mwanamume wa Kanuri ambaye alizaliwa na kukulia Makkah, Ufalme wa Saudi Arabia.

Kwa sasa anaishi Maiduguri kama mmoja wa wasomi wa Kislamu ambao wanaheshimika sana bara Afrika kulingana na ripoti ya Linda Ikeji.

READ ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia [email protected] au WhatsaApp: 0732482690.