Baba Levo: Siondoki Wasafi mpaka Diamond anifukuze

Msanii wa Bongo Fleva ambaye pia ni Chawa wa Diamond Platnumz, Baba Levo amefunguka kuwa haoni sababu ya kuondoka Wasafi kwa vile anaona wasanii wengine kama Harmoniez na Rayvanny wameondoka kwa vile kuwa kwake karibu na Diamond ndio mafanikio yake.

Baba Levo amedai kuwa ilikuwa ndoto yake kufikia hapo alipo hivyo hawezi kuiacha bahati hiyo ipotee badala yake ataishikilia kwa nguvu zote fursa ya kuwa karibu na Diamond.

“Mimi kuondoka Wasafi ni mpaka Diamond anifukuze, hapo ndipo nitasema sina namna. Nitaleta wajomba, viongozi wa dini, wa Serikali na watu wote ninaoona watamshawishi, lakini akigoma basi nitaondoka.

“Kwanza nikitoka kwa Diamond nakwenda wapi? Nilitamani kufika hapa, nimeshafika. Hakuna kitu kinachonizuia kufanya nikiwa na Diamond, kifupi siondoki kwa Diamond mpaka anifukuze. Diamond aliniambia msanii yeyote akitaka kukua lazima aje kwake, na akishakuwa mkubwa watu watamshawishi aondoke, lazima ataondoka.