Baba Levo: Diamond ananilipwa Mil. 11 kwa mwezi

Chawa Pro Max wa Nasibu Abdul 'Diamond', Baba Levo ametamba kuwa anakusanya zaidi ya shilingi Mil. 11 kwa mwezi kwa kufanya kazi Wasafi FM na madili mengine.

Baba Levo amefunguka hayo akiwa jijini Mbeya alipokwenda kwa ajili ya shoo maalum ya Bingwa wa Mtaa inayodhaminiwa na Wasafi Bet ambayo ni kampuni ya Diamond.

"Nakusanya milioni 11 kwa mwezi ndugu zangu kwa nini nisimheshimu Diamond? Radio nafanya kipindi cha Mgawaha, nalipwa kama Milioni nne na kitu, nina kazi ya uchawa nalipwa, nina ubalozi wa Wasafi Bet nalipwa ukijumlisha ni zaidi ya milioni 11 karibu 12," alisema Baba Levo.

Baba Levo ambaye pia ni msanii wa Bongo Fleva, amesema ndio maana huwa anasema, kwa kuwa wazazi wake wamefariki, akitoka Mungu, anayefuata kwa kumheshimu ni Diamond.