Gigy Money
Alianza kutambulika kwenye Bongofleva kama video vixen kabla ya kuwa mwimbaji na rapa, matukio yake mengi nje ya muziki yamemfanya Gigy Money kuwa maarufu na kuzungumziwa kila wakati.
Hata hivyo, hilo haliondoi ukweli kuwa Gigy ni miongoni mwa wasanii wa kike ambao wamekuwa wakitia juhudi sana katika muziki, ametoa nyimbo zenye video kali kibao. Bongo Music Facts inafahamisha zaidi;
1. Ndoto kubwa ya Gigy Money ilikuwa siku moja awe maarufu tu bila kujua umaarufu huo utaupataje na utamsaidia nini? Akiwa kidato cha pili alienda kuomba nafasi ya kuigiza kwenye Kampuni Ray Kigosi na Johari, RJ Campany ila hakufanikiwa.
2. Chanzo cha bifu la Gigy Money na Nay wa Mitego, inadaiwa kuwa Gigy alilipwa Sh20,000 tu baada ya kutokea kwenye video ya wimbo wa Nay wa Mitego ‘Shika AdabuYako’ kama video vixen, malipo ambayo yalikuwa tofauti na makubaliano yao.
3. Wimbo wa kwanza kwa Gigy Money kurekodi unaitwa ‘Alela’ na ulitoka Januari 2015, Prodyuza aliyehusika ni C 9 ambaye ndiye pia alirekodi wimbo wa kwanza wa Shilole aliyelipiwa gharama za studio Sh300,000 na Q Chief.
4. Gigy Money sio video vixen wa kwanza Bongo kuingia kwenye muziki, kuna wenzake kama Amber Lulu, Lyyn, Lulu Diva, Nai na Hamisa Mobetto, ila Gigy ndiye ametoa nyimbo na video nyingi kuliko wote.
5. Wimbo uliomtoa Gigy Money kimuziki ‘Papa’ ambao ulikuja kufungiwa na Basata na TCRA ameandikiwa na Marioo, hiyo ni sawa na ule ulimtoa Amber Lulu ‘Jini Kisirani’ ambao pia uliandikwa na Marioo.
Ikumbukwe Marioo ameandika nyimbo maarufu kama; Wasikudangaye ya Nandy, Pambe ya Christian Bella, Bado ya Mwasiti, Mchakamchaka ya Shilole, Banana ya Dogo Janja na nyinginezo.
6. Gigy Money anapenda sana muziki wa Hip Hop, na wasanii anaowakubali ni Rosa Ree ambaye wamefanya pamoja ngoma mbili; Saubona na Emergency, pia yupo Cardi B kutokea nchini Marekani.
7. Msanii wa kwanza wa kimataifa Gigy Money kupiga naye picha ni Tekno ya Nigeria, kipindi hicho staa huyo alikuwa anafanya vizuri na ngoma yake ‘Duro’, picha hiyo ilikuwa ni sababu nyingine ya Gigy kuwa maarufu.
8. Diamond Platnumz ndiye Staa Bongo ambaye Gigy Money anamkubali sana kiasi kwamba yupo tayari kumzalia mtoto! Ukaribu wake na Chibu umemuwezesha Gigy kufanya kazi na wasanii wawili wa WCB Wasafi, Lava Lava na Queen Darleen.
9. Dully Sykes ndiye msanii ambaye Gigy Money ametokea kwenye video zake nyingi, Gigy ametokea video ya wimbo wa Dully ‘Inde’ akimshirikisha Harmonize, pia ametokea kwenye video ya wimbo, Zoom.
10. Wema Sepetu, Miss Tanzania mwaka 2006 na msanii wa filamu Bongo ndiye alikuwa ‘role model’ wa Gigy Money wakati anatafuta kuwa maarufu, ila Gigy alipokuja kuwa maarufu akaanza tena kumponda Wema ingawa baadaye wakaja kuwa marafiki hadi sasa.