BASATA: Harmonize amemalizane na Cheed na Killy, la Anjella halijatufikia

Baraza la Sanaa la Taifa (BASATA) wamezungumza na Waandishi wa habari leo Novemba 17, 2022 limeeleza jinsi walivyosuluhisha mambo mbalimbali ya wasanii waliotoka kwenye lebo mbalimbali hapa nchini.

Akizungumzia hilo, Katibu Mtendaji wa BASATA, Kedmon Mapana amesema kuwa Harmonize amemalizana na waliokuwa wasanii wa lebo yake ya Konde Music, Cheed na Killy na sasa kila mmoja anaendelea na maisha yake.

Aidha, Mapana amesema kuwa suala la Anjella na lebo ya Konde Music bado halijafikishwa mezani kwao na mara tu litakapofikishwa watalishughulikia.

"Suala na Harmonize na wasanii wake wale wawili (Cheed na Killy) limemalizika vizuri na kila mmoja anaendelea na maisha yake kama kawaida, lakini suala la Anjellah bado halijafika mezani kwetu, tunawaahidi tutalishughulikia haraka iwezekanavyo," amesema Mapana.