Avunja vyombo vya baba yake baada ya kunyimwa Sambusa

Mwanamume mmoja nchini Kenya amefikishwa kortini kwa kuvunja vikombe na simu katika hoteli ya babake jijini Nairobi baada ya kuambiwa hakuna samosa.

Ahmed Hussein Mohammed anakabiliwa na mashtaka ya kuharibu mali ya baba yake yenye thamani ya KSh21,600. Ahmed Hussein anasemekana kuenda katika hoteli hiyo iliyoko Nairobi Magharibi na kuagiza samosa lakini aliambiwa zilikuwa zimeisha.

Anadaiwa kuwa mbishi na kuanza kusababisha uharibifu na kupelekea wafanyakazi wa hoteli hiyo kumuita baba yake.

Nairobi News inaripoti kuwa Ahmed Hussein anasemekana kuenda katika hoteli hiyo iliyoko Nairobi Magharibi na kuagiza samosa lakini aliambiwa zilikuwa zimeisha.

Anadaiwa kuwa mbishi na kuanza kusababisha uharibifu na kupelekea wafanyakazi wa hoteli hiyo kumuita baba yake.

Baba yake alipiga ripoti kwa polisi na mshukiwa alikamatwa na kina cha uharibifu aliotekeleza kufanywa wakati wa uchunguzi.

Akifika mbele ya Mahakama ya Kibera, Mohammed alimwambia Hakimu Mkuu Derrick Kutto kuwa mashtaka hayo ni ya kweli lakini 'si kweli kabisa'.

Alikanusha mashtaka hayo na kuachiliwa kwa dhamana ya KSh30,000 ama mdhamini wa kiasi hicho cha KSh100,000.

Kesi hiyo itatajwa tena Novemba 17.

Afueni kwa Mohamed AliKatika taarifa tofauti, mshukiwa wa ugaidi aliyekuwa akisakwa kwa kuhepa dhamana na kuilazimu mahakama kutoa amri ya kukamatwa kwa Mbunge wa Nyali Mohamed Ali ametiwa mbaroni.

Polisi walisema Noordin Hassan Abdallah almaarufu Kamanda alikamatwa katika eneo la Majengo, Kaunti ya Mombasa.

Alitoweka kwa siku kadhaa na hivyo kuilazimu mahakama kutoa kibali cha kumkamata Ali ambaye alikuwa mdhamini wake wakati alipoachuliwa kwa dhamana.

Hii ni baada ya Abdallah kukosa kufika mahakamani Oktoba 4 na Novemba 1. Awali mbunge huyo alitakikana kortini Oktoba 4 lakini alikosa kufika na kumlazimu Hakimu Mkuu wa Kwale kutoa amri ya kukamatwa kwake siku iliyofuata.

Ali alikuwa mdhamini wa Abdallah ambaye alikwepa kulipa dhamana kwa kosa linalomkabili mahakamani.