Aslay afunguka kupotea kwenye gemu

Mkali wa sauti, Aslay amefunguka kuwa alipokuwa kimya kwenye gemu kwa muda mrefu alikuwa anausoma muziki ili aweze kurejea na kishindo.

Akizungumza juzikati kwenye listening part ya swaiba wake Kayumba iitwayo Fine Tape, Aslay anasema kama msanii, huwezi kuwa unaimba kila siku lazima ujipe muda wa kuwasoma wasanii wapya.

"Kuna madogo wameibuka sasa hivi kama kina Marioo na wengine lazima uangalie kwanza wanafanyaje, hivyo niliusoma na namshukuru Mungu nimeibuka na ngoma tatu mpya na zote zinafanya vizuri," alisema Aslay.

Aslay kwa sasa ameibuka na ujio mpya akiwa chini ya menejimenti ya Rock Star.