Amuua Mpenzi wake kwa sumu ili arithi Dola Milioni 30

Mwanamke mmoja kutoka North Dakota, Marekani amehukumiwa baada ya kukiri kumuua mpenzi wake kwa sumu kwa sababu aliamini kuwa angerithi dola milioni 30.

Ina Kenoyer, 48, alihukumiwa kifungo cha miaka 25 gerezani mnamo Jumatano, Oktoba 16 baada ya kukiri kosa la mauaji mnamo Mei, kulingana na rekodi za mahakama za Wadi, Pia aliamriwa kulipa $3,455 kama marejesho kwa familia ya mwathiriwa.

Kenoyer alikamatwa kwa shtaka la mauaji mnamo Oktoba 30, 2023, karibu miezi miwili baada ya kumuwekea sumu mpenzi wake wa muda mrefu, Steven Riley Jr mwenye umri wa miaka 51, Kenoyer aliweka sumu kwenye chai tamu aliyomtengenezea Riley mnamo Septemba 3, 2023 na akanywa siku mbili baadaye akafariki.